manaia

Xa tedes á vosa disposición todos os vídeos das intervencións no 2º Congreso Galego de Adopción. Para velos, tedes que premer aquí.

Cunha afluencia de persoas inscritas superior á do primeiro Congreso, desde a organización consideramos este segundo un éxito e queremos dar as grazas a toda a xente que asistiu tanto como relator ou relatora ou interesadxs asistentes.

En cando poidamos colgaremos por aquí a ligazón aos vídeos e das diferentes seccións e intervencións.

A Asociación Cultural Black Box Project organízanos dous obradoiros, un de mañá e outro de tarde, cheos de hip hop, rap, break dance, beatbox…

Coñece máis de Black Box Project na súa páxina de Facebook.

Sábado 16 ás 16:00 horas. Os nenos e nenas que participen han de estar inscritos na ludoteca.

Compartindo a miña historia

Laura Heckel. Adoptada adulta que xa fixo a súa busca de orixes. Socia co-fundadora de La Voz de los Adoptados.

Laura participou de xeito voluntario en obradoiros, campamentos con nenas, nenos e adolescentes adoptados, e outras actividades en Segovia, Valladolid, Madrid… sempre compartindo desde o seu punto de vista como adoptada a súa experiencia persoal. Nesta ocasión, xa convertida en nai, quere compartir cas rapazes e rapaces a súa experiencia e charlar con eles de forma moi informal sobre as dúbidas, medos e anécdotas que lle pasaron como adoptada de orixe colombiana. A experiencia dinos que as persoas adolescentes adoptadas ábrense e comparten dunha forma moi distinta as súas vivencias e sentimentos se o adulto que teñen diante é adoptado e viviu cousas parecidas a eles.

“Estes obradoiros coas nenas, nenos e adolescentes, son a razón pola que levo oito anos traballando voluntariamente e compartindo a miña historia, son impagables eses momentos compartidos e as aprendizaxes que eu obteño con eles. É impagable ver as súas caras e como buscan esa complicidade.”

Laura estará acompañada por Xabier, adoptado adulto, Secretario de La Voz de los Adoptados e socio de MANAIA.

O falado polos nenos e nenas neste obradoiro será tratado de xeito confidencial e non transcenderá a reunión.

Xa estamos aquí!!!

Custou pero por fin vos presentamos o 2º Congreso Galego de Adopción. Deixámosvos aquí o cartel en JPEG e tamén en PDF e animámosvos a participar e a darlle toda a difusión que poidades.

No menú de enriba atoparedes información sobre o programa, inscrición, relatoras e tamén podedes ver á dereita información sobre a xuntanza de familias adoptivas.

Ficarán por aquí aínda as noticias do 1º Congreso Galego de Adopción e iremos publicando algunhas novas máis.

Un saúdo.

Xa tedes á vosa disposición todos os vídeos das intervencións no I Congreso Galego de Adopción. Para velos, tedes que premer aquí.

Esta fin de semana tivo lugar o Congreso Galego de Adopción no Pazo da Cultura de Pontevedra. Tamén tivo lugar o domingo a Xuntanza para familias adoptantes. Queremos dar as grazas a todas as persoas que asistiron, ás relatoras e ás que axudaron a facelo posible, en especial a Manaia.

Desafortunadamente pasou o prazo da inscrición anticipada. Os prezos a partir de hoxe están incrementados respecto á inscrición anticipada en aproximadamente 20€. Quedan como segue:

• Venres e sábado 70€
• Venres e sábado (estudantes, persoas socias de MANAIA ou asociacións de CORA ou desempregadas) 50€
• Só sábado 40€
• Só sábado (estudantes, persoas socias de MANAIA ou asociacións de CORA ou desempregadas) 20€

Podedes facer a inscrición no formulario web do congreso.

Lembrámosvos tamén que segue aberta a inscrición para a xuntanza do domingo 31, á que podedes apuntarvos aquí.

Este venres ás 23:59 finaliza o periodo de inscrición anticipada no Congreso Galego de Adopción. A partir do sábado 16 ata o 28 de maio os prezos incrementaranse aproximadamente 20€ e serán os seguintes:

• Venres e sábado: 70€
• Venres e sábado (estudantes, persoas socias de MANAIA ou asociacións de CORA ou desempregadas): 50€
• Só sábado: 40€
• Só sábado (estudantes, persoas socias de MANAIA ou asociacións de CORA ou desempregadas): 20€

Aínda estades a tempo de apuntarvos. Podedes facelo na sección de inscrición desta web do Congreso.

O 12 de maio tivemos a rolda de de prensa sobre o Congreso na Casa Azul de Pontevedra. Isto deunos eco nos medios cos seguintes titulares:

• Pontevedra Viva: As adopcións están a cambiar: os tempos de espera pasaron de 6 meses a 30 anos
• Vigo al Minuto: El I Congreso Gallego de Adopción, en Pontevedra, los días 29 y 30 de mayo
• Faro de Vigo: Antón Mouriz: “Ya no es posible eso de adoptar al bebé sano menor de 3 años, ya no existe”